Мин тапталым эйиэхэ -

Мин тапталым эйиэхэ - Сиртэн тыллыбыт сибэккитэ, Нарынтан нарын, кэрэттэн кэрэ Айылҕа дьиктитэ. Мин тапталым эйиэхэ - Ардахтаах сайын биир таммаҕа, Сырдыктан сырдык, дьэҥкиртэн дьэҥкир Көстүбэт дьүһүнэ. Мин ыллардым, ыллардым эйиэхэ, Тыынар салгыным эн миэхэ буоллуҥ. Күннүүн тэҥҥэ уһуктар уйулҕам Иэйиитин эн эрэ аптаабытыҥ. Мин ыллардым, ыллардым эйиэхэ, Тыынар салгыным эн миэхэ буоллуҥ. Күннүүн тэҥҥэ уһуктар уйулҕам Иэйиитин эн эрэ аптаабытыҥ. Мин тапталым эйиэхэ - Хараҥа түүҥҥэ тыкпыт сулус, Чыпчаалга суоллуур ыллыктаах уота Ыҥыра угуйар. Мин тапталбын эйиэхэ Аар айыылар айбыттара, Үрдүкү күүһү, үрүҥ күннүгүн Бэлэх ууммуттара. Мин ыллардым, ыллардым эйиэхэ, Тыынар салгыным эн миэхэ буоллуҥ. Күннүүн тэҥҥэ уһуктар уйулҕам Иэйиитин эн эрэ аптаабытыҥ. Мин ыллардым, ыллардым эйиэхэ, Тыынар салгыным эн миэхэ буоллуҥ. Күннүүн тэҥҥэ уһуктар уйулҕам Иэйиитин эн эрэ аптаабытыҥ.